BOLTA CHEHRA

us k chehre per likha har harf padh raha hoon main
ishq ka ik naya kitaab gadh raha hoon main

dil-e-gulistaan us k mehek se roshan sa hai
us k ijaazat se us k kareeb badh raha hoon main

mere zehen per us k khayalon ki bekhudi si hai
khud se apne hosh-o-khabar k liye ladh raha hoon main

us ko le kar armaanon k kitne khwaab sajaaye hain
un khwaahishon ko haqeeqat k zewar mein jadh raha hoon main

IK NAYA KHWAAB

nigaahon mein ab naya naya sa khwaab hai
pehlu mein jaise k ik surkh aaftaab hai

dil ka baaghbaan phir se mehek raha hai
kaanton k darmiyaan khil raha ik gulaab hai

kaise bayaan karoon apni har aarzuon ko
arsh tak ufan raha hasraton ka sailaab hai

sirf us k khayalon se hai rooh pursukoon
k bas yahi hai jo mera maal-o-asbaab hai

us k bagair ab koi bhi khwaahish nahi hoti
jo wo maujood hai toh zindagi kaamyaab hai

USKI BAATEIN

kuch aisi aur kuch waisi uski jo baatein hain
tanhaai mein ek ajeeb ehsaas de jaate hain

har pal har ghadi bas yahi sochta rehta hoon
har woh lafz jo chup k se mujhse farmaate hain

uski guftugu ka andaaz bhi kuch is tarah ka hai
k us k ashaar dil se rooh tak utar aate hain

uski awaaz mein jaise koi jaadoo sa hai shayad
jis ko sun kar hum har gham bhool jaate hain

WAFA

dil ki kaifiyat wafa k guzar jaane jaise
k woh ab mera na raha khud ye maane kaise

ab akeedat aur eemaan bhi fana hone ko hai
masjidein bhi lagne lagin butkhaane jaise

girebaan se aasteen tak kuch khushq sa hua
jab ashq chalakne se lage paimaane jaise

hosh gum sa hua aur khud ki khabar na rahi
ab hum bhi thode se ho gaye deewaane jaise