DAAR-O-MADAAR

ye bojh kaandhon per jaane kaisa hai
ki dum ka ghut k mar jaane jaisa hai

ab zanjeeron mein bhi jakda hua hoon
ki zindagi kuch qaidkhaane jaisa hai

kyun kar mujh per zimmedaari mubtila
phir zabardasti inhe nibhaane jaisa hai

ghir gaya hoon duniya ki bandishon mein
ye jaan boojh kar mujhe fasaane jaisa hai

chaah kar bhi muh pherna mumkin nahi
halaat gham mein bhi muskuraane jaisa hai

KHWAAB-O-KHAYAAL

kuch khayaalon ko falak mein baadlon per rakh diya
aur kuch khwaabon ko band palkon mein dhakh liya

itni khushiyan mujh ko pehle kabhi nahi thi haasil
dil-fareb ho kar kabhi maine taqdeer per shakh kiya

koi izhaar kar raha hai raaz-e-dil aksar mujh se
jaane kis ne mujh ko kis ummeed mein ye haq diya

kitne hi zakhm khaaye aur kitne hi gham qabool hue
kisi junoon mein phir zindagi aakhri saans takh jiya

IBTIDA

aaj se phir main ek naya aagaaz karta hoon
apne dhadkaonon me nayi saaz bharta hoon

ek naam ko apne haatheliyon per likh kar
rooh tak ban k phir woh awaaz utarta hoon

saher se maghrib tak ek khayaal mein phir
shab mein us k khwaab mein parwaaz karta hoon

ishq, mohabbat, chaahat ki duniya se alag
apne jahaan mein ibaadat ka naya rivaaz karta hoon

KHWAHISHEIN

apne jazbaaton ko har bandishon se riha karoon
aur zindagi ko apni khwaahishon pe fida karoon

ab qaid mein mere dil ko zara bhi nahi sookoon
har dard-o-gham se khud hi khud ka shifa karoon

ye aarzoo hai ki meri parvaaz kuch falak tak ho
phir wahan se apni chaaon zamin ko diya karoon

aur iska aagaaz jitni jaldi ho jaaye behtar hai
k ab khuda ka naam le kar main ibtida karoon

EK NAZAR

jo maine apne girebaan pe nazar kiya
is dil ne phir mujhko ye khabar kiya

k umr bhar nekiyon k gaflat mein reh
yeh zindagi gunaahon mein basar kiya

aur aaftaab ko baadalon mein chupaya
phir taaron se andhere ko sahar kiya

ab ashq k baarishon ka mausam bhi ho
ye qaaynaat se aarzuoon ne zikar kiya

eent patharon k makaanon ko dafn kar
khwaabon k aashiyaan mein apna ghar kiya