MOHABBAT

Kehte hain mohabbat ibaadat hai
Kisi k dil-o-jaan ki shahaadat hai

Ab toh zindagi ka hashr jo bhi ho
Ishq ko dard-o-gham ki aadat hai

Haqeeqat se bezaar tabiyat si hai
Khwaabon se rooh ko raahat hai

Hosh aur khayal se bekhabar hai
Jashn-e-aashiqui toh qayaamat hai

INTEZAAR

ek intezar zindagi k shuru se khatm hone tak
khushiyon mein izafa aur gham k kam hone tak

phir khaamosh zubaan k alfaazon se nikal kar
kuch pathrai hui si nigaahon k nam hone tak

joh zinda buton k saaye mein kaafir ho gaya
us kufr ka phir ek mazhab ek dharm hone tak

sunte hain ki dard hadh se badh kar dawa hai
aur fir se is haqeeqat ka ek bharam hone tak