KHWAHISHEIN

apne jazbaaton ko har bandishon se riha karoon
aur zindagi ko apni khwaahishon pe fida karoon

ab qaid mein mere dil ko zara bhi nahi sookoon
har dard-o-gham se khud hi khud ka shifa karoon

ye aarzoo hai ki meri parvaaz kuch falak tak ho
phir wahan se apni chaaon zamin ko diya karoon

aur iska aagaaz jitni jaldi ho jaaye behtar hai
k ab khuda ka naam le kar main ibtida karoon