BE NISBAT

jaane kis raah k kis modh per kisko kaun mil jaaye
jaane kis ghadi phir mere haathon se mera dil jaaye

ehteraam kar un lamhon ka jo tujhe zindagi se ata hai
kya khabar kis waqt per kisi tarah ki koi mushqil aaye

uski nazar mein shayad insaan main mukammal nahi
is pash-o-pesh mein jaane mujh tak kitne gaafil aaye

joojh raha hoon is pal main nisbaton k sailaabon mein
kisi tinke k sahaare hi sahi mujh tak koi saahil aaye

kuch be-markaz sa teri mehfil mein main shareeq hoon
woh bhi meri vareed mein lahoo ki tarah daakhil paaye